Status update

Það eru hvorki meira né minna en þrjár Heklur staddar á Akureyri á þessari stundu. Munu þetta vera Norðurlandsdrottningin ég, Steinunn og Guðmunda. Stefnan er tekin á hitting í kvöld og ég mun svo sitja á fremsta bekk þegar Steinunn flytur erindi sitt á kynningarfundi Unifem á morgun. 

Annars óska ég öllum Heklum, heklutengdasonum og -afkvæmum góðra páska!

Yrsa litla Guðmundu- og Sigurgeirsdóttir er fædd!

Guðmunda fæddi yndislega litla, sæta stelpu í nótt. Hún var 12,5 merkur og 51 cm og ótrúlega falleg!

Til hamingju yndislega fjölskylda og takk fyrir að sjá til þess að Heklurnar deyi ekki út...

Orlofsferð Heklanna 2009

Þá er þessari fyrstu orlofsferð Heklanna árið 2009 lokið. Planið, sem 4x4 týpan hér að neðan gerði, gekk upp og Heklurnar renndu inná AK fyrir kvöldmat. Dýrindis matur var framreiddur á mettíma, mikið talað, eitthvað drukkið og svo var prjónað og farið í pottinn. Á laugardagsmorgun vöknuðu Heklurnar við yndislega lykt af nýbökuðum bollum og að sjálfsögðu var Bjarden búin að dekka eins og eitt hlaðborð. Við Stella ákváðum að hvíla okkur á skíðunum, enda nýkomnar af skíðamóti áhugamanna í Aspen. Leyfðum því stúlkunum að njóta sín í fjallinu þann daginn. Aftur fengum við veislumat að borða um kveldið, meira talað, meira drukkið, hlegið, spilað, prjónað, hlegið og naglalakkað. Helgin var í alla staði frábær!

Takk fyrir yndislega helgi - verður endurtekið hið fyrsta. Leyfi ritskoðuðum myndum að fljóta með þar sem verið er í óða önn að ganga frá og undirbúa heimferð.

Kveðja,

Norðurlandsdrottninginn - sem situr föst í snjónum á AK

Skíðaferðin!

Ég ákvað að vera þessi 4x4 týpa í dag og gera smá plan fyrir okkur:

10.00 - Marta, Björt og Stella sameinast í bíl.

10.20- Marta, Björt og Stella hitta Kristínu á Álfhóli þar sem skíðagrindin verður fest.

10.45- Brottför með grind frá Álfhóli.

11.00- Sækjum Steinunni.

11.30- Ríkið í Mosfellsbæ.

16.30- áætluð lending á Akureyri.

17.00- Dagný flytur inn í húsið til okkar.

Eldamennska, pottaferð, maskar, drukkið og hlegið!

Hvernig hljómar þetta?

Opinn orlofsfundur Heklanna

...verður haldinn á Kvisthaga 27 miðvikudaginn 7.jan kl.21.00
Þar verða praktísk mál helgarinnar rædd og að sjálfsögðu eru allar Heklur velkomnar sama hvort að þær ætli sér norður í í orlof eða ekki.
Hlakka til að sjá ykkur
Marta

Hverjar koma með í norðlenskt orlof?

Hamratúnið er enn laust og þá er bara sp. um að skella í bókun?

Leigan er 11.500 fyrir helgina (fös-sun). Við þurfum bara að fá á hreint hverjar ætla með til þess að vita hvað við borgum á haus. Svo væri nú ekki úr vegi að finna út hvað norðlenska paradísin býður upp á fyrir svona konuhóp í helgarreisu, er ekki eitthvað ægilega menningarlegt sem við þurfum að kynna okkur? Leikhús og skíði, hvernig hljómar það?

Svo kom upp sú hugmynd að sleppa Greifanum og Hótel KEA í þetta skiptið en vera þess í stað í gourme eldamennsku allan tímann svona á milli þess sem maður skreppur í pottinn og hristir kokteila? Ég er allavega þokkalega til í það

Jæja dúllur, látið vita í kommentakerfið hvort þið eruð með eða ekki!

Hekla Björt

Heklur í orlofi

Það er svo langt síðan ég skrifaði á þetta blogg að mér finnst stórmerkilegt að ég hafi munað notandanafnið og lykilorðið!

En það er komið að Norðanferð Heklanna sem tekið hefur 4 ár að undirbúa. Orlofið er ekki langt undan með tilheyrandi krumpugöllum og alkóhól. Það er aðeins eitt sem brennur á mér. Er búið að panta orlofsíbúðina?

-Frú Steinunn-